Top Ad 728x90

Thursday, January 3, 2019

പാലക്കാട്ട് അക്രമം: സിപിഐ ഓഫിസ് തകര്‍ത്തു; കാസര്‍കോട്ട് ബിജെപി നേതാവിന് കുത്തേറ്റു

പാലക്കാട്∙ സിപിഐ ജില്ലാകമ്മിറ്റി ഒ‍ാഫിസിനുനേരെ ഹർത്താലനുകൂലികുടെ അക്രമം. ഒ‍ാഫിസിനു മുൻപിൽ നിർത്തിയിട്ട 5 ബൈക്കുകളും 2 കാറും എറിഞ്ഞുതകർത്തു. ഒ‍ാഫിസിന്റെ ജനലുകളും തകർത്തിട്ടുണ്ട്. പ്രകടനം നടത്താനായി വിക്ടേ‍ാറിയ കേ‍ാളജിനുസമീപം ഒത്തുകൂടിയ പ്രവർത്തകർ പിരിഞ്ഞുപേ‍ാകുന്നതിനിടെയായിരുന്നു അക്രമം. സിപിഎം - കർമസമിതി പ്രവർത്തകർ തമ്മിൽ കല്ലേറും ഉണ്ടായി. ഹർത്താനുകൂലികളെ പിരിച്ചുവിടാൻ പെ‍ാലീസ് നാലു റൗണ്ട് കണ്ണീർവാതകം പെ‍ാട്ടിച്ചു. അക്രമികളെപിടിക്കാൻ ജില്ലാ പൊലീസ് മേധാവി അടക്കം നേരിട്ടിറങ്ങിയിരുന്നു.

തൃശൂർ വാടാനപ്പള്ളിയിൽ ബിജെപി പ്രവർത്തകർക്കു വെട്ടേറ്റു. ബിജെപി – എസ്ഡിപിഐ പ്രവര്‍ത്തകർ തമ്മിൽ സംഘർഷമുണ്ടായിരുന്നു. ബിജെപി പ്രവർത്തകരായ സുജിത്ത് (37), ശ്രീജിത്, രതീഷ് എന്നിവർക്കാണു വെട്ടേറ്റത്. ഗണേശമംഗലത്താണു സംഭവം. ഇവരെ തൃശൂർ അശ്വനി ആശുപത്രിയിലെത്തിച്ചു. ഏങ്ങണ്ടിയൂരിൽ ഒരു ബിജെപി പ്രവർത്തകനു നേരത്തെ കുത്തേറ്റിരുന്നു.

Top Ad 728x90